Lagu Daerah Banjar

Kambang Goyang
cipt. H. Anang Ardiansyah

Aaa aaa aaa ooo ooo

Pangantinnya sudah batimung
Amas murni pakaian putri
Kambang goyang di ujung galung

Suri kambang kambang malati
Pakaiakan di malam Arba
Kambang goyang di ujung galung
Pangantinnya sudah batimung
Uuu uuu

Waktu raja duduk basanding
Kambang goyang di ujung galung
Amas murni pakaian putri
Adat kawin dalam istana
Uuu uuu

Uraiakan mayang nang sakti
Umpatakan balarut banyu
Adat raja bamandi-mandi
Uuu uuu

Uraiakan mayang nang sakti
Umpatakan balarut banyu
Adat raja bamandi-mandi
Uuu uuu

 

Kambang Jaruju

Padahakan padahakan aku katuju sayang
(lawan lah siapa, lawan lah siapa,
lawan lah siapa, lawan lah siapa)

Patahakan adingai kambang jaruju
Buah sulasih adingai kambang kastela
Padahakan adingai aku katuju
Dalam mimpi adingai badapat jua
Padahakan adingai aku katuju
Dalam mimpi adingai badapat jua

Kaladi adingai bajanang luih
lamun kastela adingai ditampur ribut
lamunlah jadi adingai lawan nang lain
kada ku rela adingai saumur hidup
lamunlah jadi adingai lawan nang lain
kada ku rela adingai saumur hidup

kaladi adingai bajanang luih
kada ka lain, kada ka lain

Patahakan kambang kambang jaruju
Buah sulasih adingai kambang kastela
Padahakan aku aku katuju
Dalam mimpi adingai badapat jua
Padahakan adingai aku katuju
Dalam mimpi adingai badapat jua

Kaladi bajanang bajanang luih
lamun kastela adingai ditampur ribut
lamunlah jadi lawan lawan nang lain
kada ku rela adingai saumur hidup
lamunlah jadi lawan lawan nang lain
kada ku rela adingai saumur hidup

 

Paris Barantai
Cipt. H. Anang Ardiansyah

 

Wayah pang sudah hari baganti musim
Wayah pang sudah

Kotabaru gunungnya Ba’ mega
Ba’ mega umbak manampur di sala karang
Umbak manampur di sala karang

Batamu lawanlah adinda
Adinda iman di dada rasa malayang
Iman di dada rasa malayang

Pisang silat tanamlah babaris
Babaris…tabang pang bamban kuhalangakan
Tabang pang bamban kuhalangakan

Bahalat gununglah babaris
Babaris hatiku dandam ‘kusalangakan
Hatiku dandam ‘kusalangakan

Burung bintit batiti di batang
Di batang si batang buluh kuning manggading
Di batang buluh kuning manggading

Kacilangan lampulah di kapal
Di kapal anak Walanda main komidi
Anak Walanda main komidi

Malam tadi bamimpilah datang
Rasa datang rasa bapaluk lawan si ading
Rasa bapaluk lawan si ading

Kasiangan guringlah sabantal
Sabantal tangan ka dada hidung ka pipi
Tangan ka dada hidung ka pipi

 

Pambatangan
Pencipta: NN

Matan di hulu
Mambawa rakit bagandengan
Bahanyut matan di udik Barito
Awal hari baganti minggu

Siang dan malam
Waktu hari baganti hari
Istilah urang mancari rajaki
Kada talapas lawan gawi

Panas hujan kada manjadi papantangan
Kada hiran tatap dirasaakan
Mananjak batang sambil barami-ramian
Akhirnya sampai ka tujuan

Inilah nasib manjadi urang pambatangan
Lamun nasib sudah ditantuakan
Insya Allah ada harapan

 

Si Pandan Arum

Basusun batang, marimbun daun
Manguning, amas maurai
Saratnya runduk-rundukan
Kur sumangat banihku intan

Banihku intan, si pandan arum
Limpahlah, limpah ka kindai
Banihku si pandan arum
Kur sumangat banihku intan

Saratnya runduk-rundukan
Kur sumangat banihku intan
Kur sumangat banihku intan

 

Pangeran Suriansyah
Cipt. H. Anang Ardiansyah

(*)
Pangeran, pangeran
Bangaran Raja Buana, ahli waris Karajaan Daha
Dibuang paman, Aria Batahta
Ka Balandean wadah pambukahannya
Di Kampung Kuin diangkat jadi raja
Pangeran Suriansyah itu galarnya

(#)
‘Mun bulan kadap sidin manyarang
Paman Tamanggung kuat babanaran
Sungai Kuin dipagar carucukan
Kampung Carucuk dibari ngaran

Patih Masih lalu pang baucap
Wan Sultan Damak batatulungan
Sultan Manulung baparjanjian
‘Mun Banjar manang masuk Islam

(#)
Kembali ke : (*)

Paman Tamanggung kalah sabakas
Lalu dibagi tanah wan watas
Pangeran ba-islam sabubuhan
Sultan Suriansyah bangaran

Paman ba-islam nang panambayan
Di Kampung Kuin ba’ulah masigit
di situ jua sidin bamakam
Damintu kisah Banjarmasin

Kembali ke : (*), ditambah
Kisah pang pagat, habis carita
Kisah Banjarmasin kota barnama

 

Ampat Lima
Cipt. H. Anang Ardiansyah

Ampat si ampat lima ka ay
kuriding patah
patah sabilah, patah sabilah,
di higa lawang

Ampat si ampat lima ka ay
‘ku tanding sudah
kada manyama, kada manyama,
nang baju habang

Banyak urang nang maantar tapih
salambar-lambar kada bakain
Banyak sudah urang nang mamilih
Juduhnya kada ka lain

Ampat si ampat lima ka ay
kuriding patah
patah sabilah, patah sabilah,
di higa tajau

Ampat si ampat lima ka ay
‘ku tanding sudah
kada manyama, kada manyama,
nang baju hijau

 

Anak Pipit
Cipt. Hamiedan AC

Anak pipit
Gugur matan di sarang
Ka tanah di sala rapun saray

Umay umay
Kada pang sampai hati
Malihat anak pipit ‘kan cilaka

( * )
Kasihani anak pipit
Ambili anak pipit
Jangan biarkan anak pipit
Dalam sengsara

Kasihani anak pipit
Ambili anak pipit
Jangan biarkan anak pipit
Dalam sengsara

 

5 pemikiran pada “Lagu Daerah Banjar

  1. ueee bubuhan ya … Ampun media kypa cara download lagu2 ya and kda2 talihat nah

  2. Have you ever considered creating an ebook or guest authoring on other websites?
    I have a blog based on the same subjects you discuss and would love
    to have you share some stories/information. I know my subscribers would appreciate your work.
    If you’re even remotely interested, feel free to shoot me an e-mail.

  3. After checking out a handful of the blog posts on your web site, I seriously appreciate your
    technique of writing a blog. I bookmarked it to my bookmark webpage list and will be checking back
    soon. Please check out my web site too and let me know how
    you feel.

  4. Pretty! This has been a really wonderful article. Many
    thanks for providing this info.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s